Шона Смаханұлы атындағы №44 орта мектебінде информатика пәнінің мұғалімі Бейсенбаев Қуаныш пен биология пән мұғалімі Әлімбекова Назерке «Жасанды интеллект білім беру үдерісінде» тақырыбында семинар-практикумын өткізді.

Шона Смаханұлы атындағы №44  орта мектебінде информатика пәнінің мұғалімі Бейсенбаев Қуаныш пен биология пән мұғалімі Әлімбекова Назерке «Жасанды интеллект білім беру үдерісінде» тақырыбында семинар-практикумын өткізді. 

Семинардың мақсаты – педагогтердің шығармашылық әлеуетін дамыту, кәсіби және әдістемелік шеберлігін арттыру, заманауи инновацияларды оқу-тәрбие үдерісінде тиімді қолдануын қалыптастыруға ықпал ету. 

Семинарда жасанды интеллект мүмкіндіктерін оқу үдерісінде қолданудың тиімді тәсілдерін ұсынды:

- ҚМЖ мен тесттерді автоматтандыру: ChatGPT, Gamma, presentation.ai арқылы тапсырмаларды дұрыс құру;

- Жасанды интеллектпен презентация жасау: оқу процесін жеңілдету;

- Білім беру материалдарын байыту: жасанды интеллект көмегімен мультимедиалық контент құру.

 Семинар-практикумға қатысқан жетекші мектеп пен серіктес 50, 61 орта мектеп мұғалімдері үшін бұл іс-шара ерекше пайдалы болды. Олар жасанды интеллект құралдарын оқыту үдерісіне енгізуде жаңа, тың инсайттар мен құнды ақпараттарға ие болып, білім беру әдістемелерін жетілдіруде маңызды тәжірибе жинақтады.