Таразда тұрғындардың республикалық референдумға қатысуы үшін барлық жағдай жасалуда.

Әсіресе, шалғай аумақтарда тұратын тұрғындардың дауыс беруіне қолайлы мүмкіндік туғызу мақсатында арнайы қоғамдық көліктер ұйымдастырылды.

Бұл бастама тұрғындардың референдум учаскелеріне кедергісіз жетуін қамтамасыз етуге бағытталған.

Арнайы автобустар белгіленген бағыттар бойынша қатынап, қашықтағы алқаптардан азаматтарды дауыс беру учаскелеріне жеткізіп жатыр.

Бұл шаралар референдумның ашық әрі жоғары деңгейде өтуіне өз үлесін қосуда.