“Ұлағатты ұрпақ” жобасы аясында “Супер әке” атты ұлттық ойын түрлерінен спорттық іс-шара өткізілді.

Жамбыл облыстық ардагерлер кеңесінің қолдауымен білім мекемелерінде құрылған әкелер кеңесінің жұмысын жүзеге асыру мақсатында Тараз қаласының білім бөлімінің ұйымдастыруымен ағымдағы жылдың 24 наурыз күні “Ұлағатты ұрпақ” жобасы аясында “Супер әке” атты ұлттық ойын түрлерінен спорттық іс-шара өткізілді.

 Іс-шараны Жамбыл облыстық ардагерлер кеңесінің жанынан құрылған әкелер кеңесінің төрағасы - Ильясов Қонысбай Қуандықұлы мен қалалық әкелер кеңесінің мүшесі, Тараз қаласының білім бөлімінің бас маманы - Үкібасов Қайрат Исаұлы ашып, қатысушыларға сәттілік тіледі.

 Жарысқа қатысушылар “Арқан тарту”, “Қол күресі”, “Асық ату” және “Тоғызқұмалақ” ойын түрлерінен бақ сынасты.

 Спорттық іс-шараға мектебіміздің ұстаздарынан, оқушылары мен олардың әкелерінен құрылған команда қатысып, жалпы командалық есеп бойынша жүлделі ІІ-орынды иеленді.

 Жекелей “Тоғызқұмалақ” және “Асық ату” ойын түрлерінен мектебіміздің 9 “а” сынып оқушысы Айтбек Нұрбек пен 11 “ә” сынып оқушысы Есен Елнұр жүлделі І және ІІ орындарды иеленді.