Гүлсім Таңатқызы ойламаған жерден дүниеден өтті.

   Тараз қаласы Шона Смаханұлы №44 орта мектебінің іргетасының қалануына еңбегі орасан зор, жүрегі осы киелі шаңырақ деп соққан, жанашыр "анамыз" Гүлсім Таңатқызы ойламаған жерден дүниеден өтті.

Сұм ажал біздің арамыздан ерекше қайталанбас тұлға, өз ісінің шебері, халыққа білім беру саласында аянбай еңбек етуден талмаған, мектебімізде ұлттық тәрбие жұмысының жүйесін қалыптастырған, қазахи рухымыздың жанашыры, біз үшін іскерлігі арамызда аңызға айналған, әрқашан үлгі бола білген, ұжымы мен шәкірттері үшін шоқтығы биік жанды кенеттен алып кеткені өте өкінішті жағдай болды.

Аппақ алтындай жарқыраған жүзі, әрқайсымызға қамқор болған қоңыр даусы, жылы алақаны мәңгілік есте қалып, 20 жыл мектебімізді басқарудағы көшбасшылық даралығы әрқашан мақтанышымыз болып қала бермек.Біз үшін құрметті жанның жаны жәннәттің төрінен орын алып, иманды болсын.