«Қызық екен» интеллектуалды білім сайысы
«Бастауыш сыныптарда білім берудің үрдісіндегі жаңартылған білім беру мазмұнының әдіс- тәсілдерінің тиімділігі» тақырыбындағы айлығы аясында ұйымдастырылған «Қызық екен» интеллектуалды білім сайысының есебі
2019 жылдың 4 ақпаннан бастап ақпанның 26 дейін «Бастауыш сыныптарда білім берудің үрдісіндегі жаңартылған білім беру мазмұнының әдіс- тәсілдерінің тиімділігі» атты бастауыш сынып айлығы өтті. Айлық барысынгда жоспарға сай көптеген іс-шаралар жүзеге асырылды. Солардың бірі 25 ақпан күні өткізілген 4 сыныптар арасындағы зияткерлік білім сайысы «Қызық екен».
Сайыстың мақсаты: оқушылардың білімге деген қызығушылығын арттыру, ойлау қабілеттерін дамыту. Жаратылыстың ғажайыптары туралы қызықты деректермен білімдерін толықтыру. Ұжыммен жұмыс жасауға бейімдеу. Алған білімдерін өмірде кеңінен қолдана білуге тәрбиелеу.
Сайысқа Шона Смаханұлы атындағы №44 орта мектептің 4 сынып оқушылары, атап айтар болсақ: 4 «А» сыныбынан Арқабаева Айдана, 4 «Ә» сыныбынан Ноқтыбай Ақсезім, 4 «Б» сыныбынан Сағынбек Аймаш, 4 «В» сыныбынан Омар Жаннұр, 4 «Г» сыныбынан Нусупхан Еламан, 4 «Д» сыныбынан Есбол Гүлсезім қатысты. Сайыс барысында оқушылар екі топқа бөлінді. І топ «Болашақ», ІІ топ «Жалын». Сайыста бірнеше жан-жақты, яғни, қазақтың ұлттық салт-дәстүрлері, ғылым, табиғат сыры, өңір тарихы, жан жануарлар әлемі, өнер тақырыбында тапсырмалар қамтылды, сайыскерлер тапсырмаларды жоғары қызығушылықпен орындап , сайыс тартысқа толы болды. Сайыс барысында жанкүйерлер мен көрермен де көңілден тыс қалмай, белсенді қатысып отырды. Сайысты ментеп директоры Жақсыбеков Б.Ж. бастаған директордың оқу ісі-жөніндегі орынбасарлары Жүнісбекова С.Ж., директордың ғылыми әдістемелік ісі жөніндегі орынбасары Райкулов М.Р., ата-аналар, бастауыш сыным мұғалімдері оқушыларымен бірге тамашалап, қатысушылар мен ұйымдастырушыларға ризашылықтарын білдірді. Сайысты ұйымдастырушылар бастауыш сынып мұғалімдері Байтас А., Әбілдаева З., Жанадилова С., Байысбаева М., Сәрсенбаева Г., Примбетова А., Раманқұлова Ф., Керімбаева Ж., Көбеева К. Сайыс соңында жеңіске жеткен «Жалын» тобын, белсенді қатысқан жанкүйер мен көрермендерді мектеп директоры Жақсыбеков Б.Ж марапаттады. «Болашақ» тобы да көңілден тыс қалмай алғыс хатпен марапатталды. Тартысты да қызыққа толы зияткерлік білім сайысы «Қызық екен» өз мәресіне жетті.
