Бастауыш сынып мұғалімі, педагог-зерттеуші Джакаева Гулбакира Сайлауқызының ашық сабағы

    Шона Смаханұлы атындағы №44 орта мектептің бастауыш сынып мұғалімі, педагог-зерттеуші Джакаева Гулбакира Сайлауқызы 13.10.2020 ж. 4-А сыныбында әдебиеттік оқу пәнінен "Мен бақытты баламын" тақырыбында ашық сабақ өтті. Ұстаздың шығармашылық тақырыбы-оқушыларды сын тұрғысынан ойлау мен сөйлеуге үйрету. Сондықтан да сабақта балалардың өз ой-пікірлерін, көзқарастарын ашық, еркін жеткізулеріне көп көңіл бөлінді. Сабақ Блум таксономиясы негізінде кұрылып, балалар  "білім пирамидасы" бойынша әр кезеңде өз білімдерін өздері бағалап отырды. Сабақ барысында балаларды ойланып жауап беруге жетелейтін ашық сұрақтар көп қойылды, жауаптарын  өмірмен байланыстыра беріп отырды. Тақырыпқа сай эссе жазды, оны оқып, таныстырды. Сабақ соңында" Менің қорытынды ойым" әдісі бойынша балалар кестені толтырып, таныстырды. Сабақтан алған әсерлерімен бөлісті.

 Тәжірибе алмасу мақсатында серіктес №54 мектептің мұғалімдері онлайн түрде сабаққа қатысып, кері байланыстарын берді.