«Ұзындық. Ұзындықтың өлшем бірліктері» тақырыбында зерттеу сабағы өтті.

Шона Смаханұлы атындағы орта мектебінде 13 қазанда педагог-модератор Балкерова Венера Коныратовна «Бастауыш сынып пән сабақтарында инновациялық технологияның әдіс-тәсілін тиімді пайдалану арқылы білім алушылардың білім сапасын арттыру» атты бастауыш пән бірлестігі айлығында 2 «Б»  сыныбында «Ұзындық. Ұзындықтың өлшем бірліктері» тақырыбында зерттеу сабағы өтті. Математика пәнінде алынған зерттеу сұрағы: «Математика пәнінде топтық жұмыс арқылы оқушылардың ойлау қабілеттерін қалай жетілдіруге болады?» Сабақты зерттеу барысында «Бинокль»,«Біліміңді қолдан», «Волейбол» әдістерін қолданды. Осы әдістерді қолдана отырып, білім алушылар жеке, жұптық, топтық жұмысты белсене, қызыға орындап шықты. Оқушылар тапсырманы орындау барысында пәнге деген қызығушылықтары арта түсті.«Айна» әдісі арқылы кері байланыс алынды. Сабақ соңында үй тапсырмасы беріліп, оқушылар бағаланды. Зерттеу сабақта оқушылар математикалық тілде өздерінің ойын еркін жеткізіп, сабақ қызықты өтті. Іс-тәжірибе алмасу сабағына қатысқан әріптестер өте жақсы пікірлерін білдірді. Педагогке өзінің зерттеу сабағында әдіс-тәсілдерін бөліскені үшін қатысқан әріптестері оң пікірлерін білдірді.