Шона Смаханұлы атындағы №44 орта мектебінде Lesson Study бойынша семинар өтті

Бүгін Шона Смаханұлы атындағы №44 орта мектебінде   Lesson Study бойынша семинар  өтті. Семинарға серіктес №50, №61 орта мектептерден әріптестер қатысты. Жетекші мектеп ретінде №44 орта мектеп мұғалімдерінен құрылған 13 топ өз зерттеулері бойынша жинақтаған тәжірибелерін таратты. Әр топ модераторлары өз есептерінде зерттелген сыныпқа мінездеме бере отырып, жыл бойына жүргізген зерттеу сабақтары мен әр айналым бойынша талдау жасап, жинақтаған деректер мен суреттер, материалдарын слайдтар бойынша таныстырып өтті. Жұмыстарын жинақ ретінде түптеп ұсынды. Серіктес мектептерден келген әріптестер топ модераторларына сұрақтар қойып, тиімді әдіс- тәсілдер мен сыныптағы проблемалар мен зерттеу сұрағы төңірегінде тамаша пікір алмасу болды. Мектеп тренерлері топ модераторларының есептерін толықтыра отырып, өзекті проблеманы анықтау, оны зерттеу сұрағына айналдыру, деректер жинау, лас сабақ, сауалнама мен сұхбаттың жүргізілу себебін, бақылаушылардың рөлін жан-жақты түсіндіріп берді. Шара соңында мектеп директоры Сандуғаш Мұханқызы семинарға қатысушыларға алғысын білдірді.