"ХХІ ғасырда өркениетті Қазақстан жағдайындағы үздіксіз педагогикалық білім беру жүйесі: әлемдік руханият және инновациялық тәжірибе" атты І халықаралық педагогикалық оқулары өтті.

  Тараз Мемлекеттік Педагогикалық Университетінің базасында 27.02.2020ж "ХХІ ғасырда өркениетті Қазақстан жағдайындағы үздіксіз педагогикалық білім беру жүйесі: әлемдік руханият және инновациялық тәжірибе" атты І халықаралық педагогикалық оқулары өтті. Педагогикалық оқулар барысында Тараз қаласы Шона Смаханұлы атындағы №44 орта мектебінің оқушылары ашылу салтанатына қатысып, Әл-Фараби, Абай Құнанбаев шығармаларын дәріптеді. Сахнада оқушыларымыз үш тілде өлең оқып, Республикалық "Бала Дауысы" конкурсының жүлдегерлері Заушева Айлун және Қорғанбай Ильяс Абайдың "Желсіз түнде жарық ай" әнін шырқады. Мектебіміздің көркем еңбек пәнінің мұғалімдері Джантөбетова Роза және Искакова Нұрсәуле ұстаздарымыз көрмеге өздерінің және оқушылардың туындыларын қойды. Оқушыларды жоғары деңгейде дайындап, сахнаға шығарған жетекшілері Мухатова Мадина, Байлиева Жанат, директордың тәрбие ісі жөніндегі Жолдыбаева Салтанат және мектеп директоры Жақсыбеков Баймұрат Жақсыбекұлына алғыс айтамыз.