БАСТЫ НАЗАРДА - БАЛА ҚАУІПСІЗДІГІ 2025 жылғы 09 сәуір күні жалпы мектепішілік ата-аналар жиналысы өткізілді.

БАСТЫ НАЗАРДА - БАЛА ҚАУІПСІЗДІГІ 

2025 жылғы 09 сәуір күні жалпы мектепішілік ата-аналар жиналысы өткізілді. Жиналыстың негізгі мақсаты – оқу-тәрбие үдерісінің өзекті мәселелерін талқылау, білім алушылардың қауіпсіздігін қамтамасыз ету.

Күн тәртібінде төмендегі мәселелер қаралды:

 1. «Бала қауіпсіздігі – басты назарда» тақырыбында мектептің құқық бұзушылықтың алдын алу бағытында атқарып жатқан жұмыстары туралы директордың құқықтық тәрбие ісі жөніндегі орынбасары А.Куандыков баяндама жасады. Ол құқықтық тәрбие беру және кәмелетке толмағандар арасындағы құқық бұзушылықтың алдын алу шараларына тоқталды.

 2. Мектеп психологтары оқушылар арасында өз-өзіне қол жұмсау фактілерінің алдын алу, оқушылардың психо-эмоционалдық жағдайын бақылау, ұялы телефондарды жүйелі түрде тексеру, сондай-ақ мінез-құлықтағы ауытқушылықтарға дер кезінде назар аудару қажеттілігі жөнінде түсіндіру жұмыстарын жүргізіп, "Тыңдай біл де, түсіне біл" тақырыбында ата-аналарға жадынама таратты.

 3. Директордың тәрбие ісі жөніндегі орынбасары Г.Курынбаева ата-аналарға “Бала тәрбиесі-ортақ міндет” баяндама жасап, мазмұнын түсіндіріп, оқушылар арасында ұлттық тәрбие мен азаматтық ұстанымды қалыптастыру бағытындағы жұмыстар туралы айтып өтті.

Жиналыс соңында мектеп директоры С.М.Иманбекова әр түрлі мәселелер бойынша ата-аналар тарапынан сұрақтар қойылып, өзара пікір алмасу жүргізді. Жиын оқу-тәрбие процесіне ата-аналардың белсенді қатысуына ықпал етті.