Қазақ тілі мен әдебиеті пәнінің мұғалімі Байлиева Жанат ҚаппарқызыDaryn.Online платформасында тәжірибе алмасу мақсатында сабақ өткізді

    Шона Смаханұлы атындағы №44 орта мектебінде 9 «Ә» сынып білім алушыларымен қазақ тілі мен әдебиеті пәнінің мұғалімі Байлиева Жанат Қаппарқызы «Біржан сал Қожағұлұлы» тақырыбында Daryn.Online платформасында тәжірибе алмасу мақсатында сабақ өткізді. 

Сабақ барысында білім алушыларға Біржан салдың  "Теміртас" өлеңін аудио  жазбадан тыңдатып, «Екі жақты күнделік» графикалық органайзер әдісі арқылы әндегі әдеби психологизмді атап көрсетіп, түсіндірме беріп, кесте толтырылды. 

Білім алушылар Біржанның өмірдегі ұстаздары, әндерінің шығу тарихы, өмірінің соңы жайлы деректер келтіріп, сабақ барысында Біржан салдың суырып салма ақындығы жөнінде бірнеше мысалдар келтіріп, өзара пікір алмасты. 

"Попс формуласы" әдісі бойынша «Бір әннің тарихы» тақырыбына Біржан сал әндеріннен   алған үзінділерді шығармашылық жұмысында қолданып, шағын мәтін жазды.

 Сабақ соңында білім алушылар «Пирамида» әдісі арқылы кері байланыс беріп сабақ әсерлі, әрі жоғары деңгейде өткенін атап өтті.