Интернетке тәуелділіктің алдын алу мақсатында 5-11 сынып оқушыларымен және ата-аналармен ZOOM платформасы арқылы психопрофилактикалық жұмыс жүргізілді.

    Интернетке тәуелділіктің алдын алу мақсатында 5-11 сынып оқушыларымен және ата-аналармен ZOOM платформасы арқылы психопрофилактикалық жұмыс жүргізілді.

 «Интернетті пайдалану орасан зор мүмкіндіктер береді, ал қорқуға себеп бар ма? Ал желіде болу сендерге не береді?  Желіде сендерге қауіп төнуі мүмкін бе?» деген сұрақтарға оқушылардың жауаптары алынды.

Интернетке тәуелділіктің себептері қандай? Әдетте, жасөспірімдік жас – денеде де, психикада да түрлі өзгерістер орын алатын кезең. Көңіл-күй күніне жүз рет өзгереді, қатарластарыңа ұялшақтықтан және өз-өзіне сенімсіздіктен қарама-қарсы жынысты адамдармен ғана емес, өзімен бірдей жынысты балалармен де тіл табысу қиын болып жатады. Көп нәрсе тым өткір қабылданады, қит етсе, бірден ренжіп қалады, көз жасына ерік береді. Сендерді ешкім түсінбейтін және ешкім жақсы көрмейтін сияқты болып көрінеді. Ал Интернетте сендер өздеріңе кез-келген бейне ойлап шығарып, көп дос тауып, өздеріңе керемет жігіт не қыз болып көрінесіңдер. Бұл – өздеріңді жоғары бағалаудың оңай жолы. Бірақ, өкінішке орай, «ойдан шығарылған бейне» әлдеқашан орын алған мәселелерді шешпейді, тек бәрін қиындатады. Интернетке тәуелді адам дамымайды, керісінше, деградацияға ұшырайды, тіпті өз-өзіне қызмет көрсетуге, өзін асырауға ақша табуға, отбасын құруға, т.б. қауқарсыз болып қалады.

Интернетке  тәуелдідік тууына не себепші бола алады?

•    Сыныптастармен қарым-қатынас жетіспеушілігі 

•    Ата-ана тарапынан жеткілікті көңіл бөлінбеуі 

•    Өз-өзіне, өз күшіне сенбеушілік, ұялшақтық 

•    «Барлығы сияқты» болуды қалау  

•    Ермек не хобби, компьютермен байланысы жоқ кез-келген басқа қызығушылықтардың жоқтығы

•    Стресске төмен төзімділік

•    Дау-жанжалдарды шеше алмау

•    Қиындықтардан қашып кетуді қалау

•    Қатарластармен және қарама-қарсы жынысты адамдармен қарым-қатынас құра алмау

•    Ұжымда нашар бейімделу

Оқушыларға интернет тәуелділіктің алдын алуда кеңестер берілді:

•    Вируталды кеңістікте өткізген уақытты қадағала; ол үшін монитор алдында өткізе алатын сағат санын нақты анықтап ал

•    Күн тәртібін сақта, жиі таза ауаға шық, спортпен немесе шығармашылықпен айналыс.

Өткізген : Мектеп психологтары: Сарсембетова Б.С және Жапар А.