Кел, достар, бәріміз бірге лагерьге!

1 маусым – Халықаралық балаларды қорғау күніне орай «ШаңырақLand» жазғы демалыс лагері өз жұмысын бастады.

Лагерьдің ашылу салтанатында оқушылар әсем ән шырқап, күмбірлеген домбыра үнімен күй орындап, өз өнерлерін паш етті. Балалардың шат күлкісі мен көтеріңкі көңіл-күйі мерекенің сәнін келтірді.

Жазғы лагерьдің мақсаты – оқушылардың бос уақытын тиімді ұйымдастырып, шығармашылық қабілеттерін дамыту, ұлттық құндылықтарды дәріптеу және қызықты демалыс сыйлау.

Барша бүлдіршіндерге шаттыққа, достыққа және жарқын әсерлерге толы жазғы демалыс тілейміз!