«Жаңару күні» – табиғат пен тіршіліктің қайта түлеп, жаңғыруын білдіретін кезең.

19 наурыз «Жаңару күні» – табиғат пен тіршіліктің қайта түлеп, жаңғыруын білдіретін кезең. Наурыз мейрамы аясындағы бұл күн – жаңарудың, тазалықтың және жаңа бастамалардың белгісі. Бұл күні адам жаны да, қоршаған орта да тазарады. 

Шона Смаханұлы атындағы №44 орта мектебінде аталған мерекеге орай «Болашақты бірге отырғызамыз» атты ағаш отырғызу акциясы ұйымдастырылды.

Іс-шараның мақсаты – өскелең ұрпақтың бойында табиғатқа деген сүйіспеншілікті қалыптастыру, қоршаған ортаны қорғау мәдениетін дәріптеу, сондай-ақ ұлттық құндылықтарды жаңғырта отырып, ел болашағына жауапкершілікпен қарауға тәрбиелеу.

Акция барысында мектеп ауласына 9–11-сыныптардың 128 оқушысы мен сынып жетекшілері 60 түп жеміс ағашын,5 сирен және 5 түп шырша көшеттерін отырғызды.

Әрбір егілген тал – болашақ ұрпаққа қалдырылған жасыл мұра!