Ұстаздар күні

Құрметті ұстаздар қауымы! Төл мерекелеріңіз құтты болсын!

Тәуелсіздігіміздің тірегі, еліміздің ертеңі болатын сол білімді ұрпақтың ұстазы – Сіздерсіздер! Бұл бір жағынан үлкен абырой, екінші жағынан жоғары жауапкершілік. Сіздердің бала көңілдеріңіз əр оқушының жан дүниесін нұрландырып, жүрегіне шапағат нұрын төгуде. Мұғалімнен өнеге - білім алып, өмір теңізіне құлаш ұрған кез келген шәкірт ұстазымен мақтанады. Шәкірттерін білім нәрімен сусындатып, жақсы қасиеттерді бойына дарытатын ұстазға деген халқымыздың құрметі қашан да ерекше. Білім жүйесінің жаны да, жүрегі де, тірегі де – ұстаз. Мерейлі мерекеде дендеріңізге саулық, отбасыларыңызға амандық, істеріңізге сәттілік тілейміз!