PISA – 2022 халықаралық зерттеуі

PISA – 2022 халықаралық зерттеуіне Тараз қаласы, Шона Смаханұлы атындағы №44 орта мектебінің  жасы 15 ке толған 9-10 сыныптардан құралған 41 оқушысы алғаш рет қатысып, өз  білімдерін сынға салды. PISA  халықаралық  зерттеуіне қатысатын оқушыларға мектеп әкімшілігі сәттілік тілеп, мектеп оқушылары шағын концерттік бағдарламамен ашылу салтанатын жасады. PISA халықаралық зерттеуінің мақсаты:  мектептің білім беру тиімділігін, 15 жастағы оқушылардың математикалық, оқу және жаратылыстану сауаттылықтарынан оқу жетістіктерін салыстырмалы бағалау арқылы анықтау. Ұйымдастырылған іс-шара барысында

оқушылар  екі сағат тест тапсырып, 45 минут сауалнама толтырды. Тапсырмалар саны  жаратылыстану бағыты бойынша басым болды. Зерттеу жұмыстарына қатысқан оқушылар қорытынды бөлімде PISA бойынша өз ойларын ортаға салды. Атап айтар болсақ 10- «Ә» сынып оқушысы  Кунакова Сабина және 9-«Б» сынып оқушысы Тұрсынхан Жұлдыз былай деді:

– Біз PISA халықаралық зертеуіне алғашқы рет қатыстық. Бұл зерттеу жұмысын абыроймен тапсыру біздің борышымыз болды. Себебі, осы арқылы біздің мектептің, өзіміздің ең бастысы мемлекеттің білім деңгейін айшықтайды. Біздің мектебіміздің директоры Жақсыбеков Баймұрат Жақсыбекұлына, PISA  мектеп үйлестірушісі Ерғали Айман Ерғалиқызына және ұстаздарыма алғысымызды білдіреміз. Біздің ойымызша ұстаздар оқушыларды PISA-ға жақсы дайындықпен жіберді. Бізге бұл тестілеуде  келген сұрақтар қатты қиындыққа түскен жоқ. Барлық достарымызға да солай болды деп ойлаймын. Зерттеу жұмысына қатысқанымызды мақтан етемін, әрі келешегіме жаратамын деп ойлаймын- деді.Жалпы

өткізілген іс-шара жоғары деңгейде өткізіліп, оқушыларымыз, мектеп үйлестірушісі және мектеп директоры комиссия мүшелері тарапынан алғыс хатпен марапатталды.